आमच्याबद्दल

शासनाने लागू केलेल्या एकत्रित विकास व प्रोत्साहन नियमावलीच्या माध्यमातून सदस्यांना येणाऱ्या अडचणींचा अभ्यास करून शासन स्तरावरून त्या सोडविण्याचा प्रयत्न करणे.

नवी मुंबईचे बाजूलाच विकसित होत असलेल्या “नैना” या प्रकल्पातील विकास योजना खासकरून २३ गाव योजने अंतर्गत येणाऱ्या नगर परियोजना लवकरात लवकर कार्यान्वीत करणे किंबहुना शासन स्तरावर व्यावसायिकांना अपेक्षित असे बदल करणे करिता प्रयत्न करणे.

मुंबई – पुणे एक्स्प्रेस हायवेच्या बाजूलाच, MSRDC हे नवीन क्षेत्र निर्माण झालेले असून‌ त्याबाबतीत सदस्यांना अवगत करून नियमावलीमध्ये अपेक्षित बदल घडवून आणणे.

व्यवसाय करत असताना येणारे शासकीय कर / वस्तू व सेवा कर व‌ इतर करासंबंधी सदस्यांना वेळोवेळी माहिती मिळावी याकरिता वेगवेगळ्या माध्यमातून प्रयत्नशील राहणे.

व्यवसायातील अडीअडचणींवर मात करणेसाठी व प्राप्त परिस्थितीमध्ये बांधकाम व्यवसायातील आव्हाने समजून घेवून बांधकामातील गुणवत्ता व खर्च बचत करण्यासाठी प्रयत्न करणे.

नवनिर्वाचित पनवेल महापालिका क्षेत्रातील विकास नियंत्रण नियमावली समजून घेवून सदस्यांना अवगत करणे.

सिडकोकडून देण्यात येणाऱ्या १२.५% व २२.५% योजने अंतर्गत वाटप झालेल्या भूखंडाकरिता बांधकाम परवानगी व भोगवाटा प्रमाणपत्र या संदर्भात येणाऱ्या अडचणी समजून घेवून त्याकरिता प्रयत्न करणे.

संस्थेच्या सदस्यांना व्यवसाय करताना आणि आचारसंहिता लागू करुन नैतिक मूल्यांचे जतन करणे.

संघटनेतील सदस्यांना वेगवेगळ्या विषयांवर सेमिनार आयोजित करून सदस्यांना आथिर्कदृष्ट्या मजबूत करणे व सदस्य संख्या वाढविण्यावर लक्ष ठेवणे.